سار یاں دے لئی اِک سچی کہانی

 

جہان دا بنایا جانا

جہان دے بنان توں پہلاں کجھ وی نہیں سی۔ اﷲ تعالیٰ سب کجھ پیدا کیتا۔ اﷲ تعالیٰ فرِشتیاں نوں وی بنایا۔ پَرکجھ فرِشتیاں اﷲ تعالیٰ دے خلاف بُرے کم شروع کیتے، فیر او سارے شیطان دے چیلے بن گے۔ اﷲ تعالیٰ اوناں شیطانوں نوں زمین اُ تے سُٹ دِتا۔ ابلیس اوناں شیطاناں دا بادشاہ اے۔ جو کجھ اسی ویکھ سکنیں اں او سب اﷲ تعالیٰ اپنی قدرت نال پیدا کیتا۔ جنور ، رُکھ ، پہاڑ ، دریا، آسمان ، تارے، سورج دنیا دا بناناں پوُرا ہو یا سی۔ اَخر وچ اﷲ تعالیٰ بندے تے جنانی نوں بنایا۔اﷲ تعالیٰ آدمی نوں زمین دی مٹی نال بنایا۔ جنانی، آدمی دی مدد کرن والی تے چنگی ساتھی سی۔اﷲ تعالیٰ اوناں وچ جندگی دا دم پھوُکیا۔

حضرت آدم تے بی بی حوا ننگے سن پرَ او شر ماندے نہیں سن اﷲ تعالیٰ اوناں نوں باگ ِعدن وچ رکھیا۔ اﷲ تعالیٰ دنیا دے بنان دے سارے کم نوں اچھا اَکھیا۔ تے ا ِیس کم نوں مکایا۔ ہون تک جگ وچ پاپ ناں دی کوئی شے نہیں سی۔ اﷲ تعالیٰ حضرت آدم تے بی بی حوا نوں اَ کھیا پھلو تے ودھو تے میرا حکمُ پورا کرو۔ تے اُوس رکھ دے پھل وچوں کدی وی نا کھاناں جہہڑا باغ دے وچکار لگیا ہویا اے۔ ساری کائینات اُتے حکمرانی کرو تے دنیا نوں بھر دئیو۔

 

پاپ وچ ڈِگنا

انسان داپاپ وچ ڈ ِگنا.... اﷲ تعالیٰ دے حضوروں کڈیا جاناحضرت آدم تے بی بی حوا عدن دے باگ وچ جندگی گذار دے سن اوناں دے کول کوئی خاص کم نہیں سی۔ کوئی دُکھ، کوئی پیڑھ، تریہہ تے ناں ای کپڑیاں دی لوڑ سی۔ او ساری ،مخلوقات تے حکمرانی کردے سن۔ اوناں ساریاں جنوراں دے ناں رکھے۔ اﷲ تعالیٰ اَپی اوناں نال گل بات کردے ہوندے سن۔ اﷲ تعالیٰ اوناں نوں دسیا سی پئی ا ِک رکھ دا پھل تُساں نہیں کھاناں۔ اِک دِن جدون بی بی حوا ایس رکھ دے نیرے سی جہدا پھل اﷲ تعالیٰ کھان توں ٹھاکیا سی اوس ویلے ابلیس بی بی حوا نال ہمکلام ہویا۔ تے اونوں ازمیش وچ سُٹیا۔ ً کیہ اﷲ تعالیٰ اَکھیا اے پئی تسی نہیں مروگے۔ابلیس جھوٹ بولیا ً بی بی حوا پھل کھالیا، تے حضرت آدم نوں وی کھان لئی دِتاتے حضرت آدم نوں وی ازمیش وچ سُٹیا، تے حضرت آدم وی او پھل کھادا۔ فیر اوناں نوں پتا لگیا پئی اسی ننگے اں۔ او اِک دوجے کولوں شرمائے۔ اوناں پتراں نوں سی کے اپنے لئی لنگیاُں بنایاں تے اپنایاں بدناں نوں کجیا۔ اﷲ تعالیٰ حضرت آدم نوں واج ماری اے آدم توں کیِتھے ویں؟ کِس تینوں دَسیاں پئی توں ننگا ویں۔ حضرت آدم دےپاپ دے منن دے پچھوں اﷲ تعالیٰ اوناں نوں عدن دے باگ وچوں باہر کڈھ دِتا۔

اﷲ تعالیٰ اوناں اُتے لعنت کیتی۔ آدمی اپنے لہو تے پرَسنے دی روٹی کھاوے گا۔ تے زمین اُہدے لئی کنڈے اُگائے گی۔ تے جنانی وڈے دُکھ نال بچہ جمےگی۔ کیوںجو اﷲ تعالیٰ رحم کرن والے نیں، اﷲ تعالیٰ اوناں لئی جنور دی کھلَ نال لیڑے بنائے۔ پاپ دا انجام ایہہ ہویا پئی اﷲ تعالیٰ اِک جنور دی موت دے سببوَں اوناں نوں کجیا۔ فیر اﷲ تعالیٰ اِک اَگ والی تلوار نوں باگ دے پہرے دے لئی اُوتھے رکھیا تا نجو اوہ دوجی وری باگ وچ ناں آسکن۔ اﷲ تعالیٰ اوناں نوں اکھیا ودھو تے زمین نوں بھر دیؤ۔ حضرت آدم تے بی بی حوا دے بچےپیدا ہوئے پرَ اوہ سارے گنہگار سن۔

 

حضرت قائن تے حضرت ہابل

حضرت آدم تے بی بی حوا دی اَل الاد وی ُاپنے ماں، پیو دے وانگر پاپی سی۔ حضرت ادم تے بی بی حوا دے گھِر پیدا ہون والا پہلا بچہ حضرت قائن سن، جہڑے اِک جٹ وی سن۔ تے دوجے پیدا ہون والے حضرت ہابل سن۔ اوہ ایالی دا کم کردے سن۔ اوناں اپنے دین دے دستور تے چلدیاں ہویاں اﷲ تعالیٰ دی اَگے قربانی دِتی۔ حضرت قائن اپنی پیلیاں دی پیداوار وچوں کجھ لے کے آئے۔ تے حضرت ہابل اپنے جنوراں دے پہلے لیلیاں دی قربانی اﷲ تعالی دے حضور وچ چڑھائی۔اﷲ تعالیٰ حضرت ہابل دی قربانی نوں قبول کیتا پر حضرت قائن دی قربانی نوں قبول نا کیتا۔ حضرت ہابل دی قربانی ایس واسطے قبول ہوی کیو نجو اُہدے وچ ایمان تے خون شامل سن۔حضرت قائن نوں بڑا گُصہ آیا۔

اﷲ تعالیٰ اوناں پچُھیا پئی اے قائن توں کیوں گُصے وچ ایں۔ پاپ نوں اپنا مالک نا بنن دے۔ حضرت قائن ہن تک بڑے گُصے وچ سن۔ جدون اوناں حضرت ہابل نوں پیلی وچ اکلیاں ویکھایا تے اوناں نوں قتل کر سُٹیا۔

اﷲ تعالیٰ حضرت قائن نوں پُچھیا پئی ً تیرا بھر ِا حضرت ہابل کیتھے وے؟ ً حضرت قائن جواب دِتا ً کی میں کوئی اپنے بھر ِا دا رکھوالا اں ؟ً اﷲ تعالیٰ اَکھیا پئی تیرے بھر ِا دا خون مینوں وَجاں مار دا اے۔ اﷲ تعالیٰ حضرت قائن نوں اوناں دےپاپ دے سببوں سزا دتی۔ اوناں نوں زمین اُتے آوارہ کر دِتا۔ پر اﷲ تعالیٰ حضرت قائن اُتے وی رحمت وکھائی تے اوناں اتے اپنا نشان رَکھیا تا نجو کوئی اوناں نوں مار نا دیوے۔

 

حضرت نوح

اﷲ تعالیٰ پاپ دی سزا دیندے نیں۔ اپنے وعدے پورے کردے نیں۔ تے اِک نجات دین والے دا سربند کردے نیں۔ حضرت ادم تے بی بی حوّا دی آل اُلاد برُے توں برُا پاپ کردے جاندے سن پئے اوناں اﷲ تعالیٰ دی محبت تے حکماں نوں منن تھوں منہ موڑ لیا۔ اﷲ تعالیٰ اوناں نال بہت ای گُصے ہوئے، اوناں نوں انسان بنان تھوں افسوس ہویا....

کیونجو اوتھے اِک راستباز اﷲ تعالیٰ دے بندے جناں دا ناں حضرت نوح وی سن۔ اﷲ تعالیٰ حضرت نوح نوں بیڑی بنان دا حکم دِتا۔ ایہہ سی انسان دی موت جہڑی پانی دے ہڑدی شکل وچ آن والی سی۔ حضرت نوح اپنے گِھر والیاں دی مدد دے نال اِک وڈی ساری بیڑی بنانی شروع کر دِتی اے بیڑی لکڑ تے رال نال بنائی جان لگی۔

حضرت نوح ہوراں لوکاں نون ایس گل دے بارے وچ دسیا پئی اپنےپاپ تھوں توبہ کرو تے رب ول مڑُو۔ پر اوہ حضرت نوح اُتے ہسے تے اﷲ تعالیٰ نوں مخول وی کیتا تے ٹھٹھے مارے۔ کالے بادل چھان تے جنوراں دے جوڑے وی اپڑن لگ گے۔ جنور تے حضرت نوح دا پورا ٹبر بیڑی وچ ٹر گے۔ اﷲ تعالیٰ آپی بیڑی دا بوہا بند کر دِتا۔ چالی دِن تے رات منیہ وریا۔ پانی زمین دے اندروں وی اُبل پیا تے سارے ڈُب موئے۔ باقی حضرت نوح تے اوناں دا پورا ٹَبر جہڑے بارہ وریاں تھوں بہتے بیڑی اُتے سن۔ پانی اُتریا تے ہر پاسے چکِڑ ای چکِڑ سی۔ اﷲ تعالیٰ بیڑی دا بوہا کھولیا فیر جنور تے حضرت نوح دا ٹبر بیڑی تھوں باہر آئے۔ حضرت نوں اپنے گھِر والیاں دی بخشِش دے لئی اِک قربانی اﷲ تعالیٰ دے اگے چڑھائی۔ اﷲ تعالیٰ گُڈے، گُڈی دی پینگ نوں اَسمان وچ رکھیا اِک وعدے دے لئی پئی میں فیر پوری دنیا نوں پانی نال کدی وی برباد نہیں کراں گا۔

 

سدوم تے عمورہ

اﷲ تعالیٰ پاپ تھوں نفرت کردے نیں تےپاپ دی سزا دیندے نیں۔ دو شہر سن، سدوم تے عمورہ اوہ پاپ نال بھرے ہوئے سن۔ سدوم وچ اِک راستباز بندے حضرت لوُط تے اوناں دی جنانی تے دو دھیاں رہندیا ں سن اوہ گنہگار سن۔ پر اوہ دوجے شہر دے لوکاں وانگر برُیائی نہیں کردے سن۔ اﷲ تعالیٰ سدوم تے عمورہ نوں برباد کرن دا فیصلہ کر لیا۔ اﷲ تعالیٰ جاندے سن پئی حضرت لوط اِک راستباز بندے سن تے اوہ اُہدے اُتے رحم رکھدے سن۔ اﷲ تعالیٰ اپنے فرشتیاں نوں حضرت لوط کول گھلیا پئی اوناں نوں دسن شہر چھڈ دیؤ ۔ جہڑا فجر تیکر برباد ہو جائے گا۔ شہر دے لوک حضرت لوط دے کول آئے تے فرشتیاں نال برُا بھلا کرناں چاہندے سن۔ فرشتیاں شہر دے لوکاں نوں انیاں بنا دِتا۔ اُس رات حضرت لوط دی جنانی تے اوناں دیاں دھیاں اوس شہر وچوں نکل گے۔ فرشتیاں اوناں نوں دسیا پئی اﷲ تعالیٰ تے ایمان رکھو تے اُہدیاں منصوبیاں تے چلو۔

تے نس دے ہویاں پچھے مڑ کے نا ویکھنا، حضرت لوط دی جنانی پچھے مڑ کے ویکھیا تے او لو ن دا کھمبا بن گئی۔ پر حضرت لوط تے اوناں دیاں دھیاں ایس موت تھوں بچ گے، کیونجو اﷲ تعالیٰ اوناں اُتے رحم کیتا۔ اﷲ تعالیٰ ایس شہر وچ برُے لوکاں نوں عبرت ناک سزا دِتی۔

 

حضرت ابراہیم تے حضرت اضحاق

اﷲ تعالیٰ دا تیار کیتا ہویا منصوبہ۔ ایک راستباز اﷲ تعالیٰ دے بندے جناں دا ناں حضرت ابراہیم سی۔ اﷲ تعالیٰ اوناں نوں چنیا کیوجو اوہ ایماندار سن، اوناں اﷲ تعالیٰ اُتے کامل ایمان رکھیا حضرت ابراہیم دی گھِر والی جہڑی بی بی سارہ دے ناں تھوں پچھانی جاندی سی اوناں دے گھَر کوی اُلاد نہیں سی۔ حضرت ابراہیم حضرت لوط دے چاچا وی سن۔ اﷲ تعالیٰ حضرت ابراہیم تھوں ایہہ تھاں چھڈ کے تے کسی ہور نویں تھاں جان نوں اَکھیا، جدے بارے وچ اوہ بلکل جاندے نہیں سن۔ حضرت ابراہیم اپنا سب کجھ اکھٹا کیتا تے اﷲ تعالیٰ دے حکم دے مطابق ٹرُ پئے۔ کیوجو حضرت ابراہیم اﷲ تعالیٰ تے ایمان رکھدے سن۔ اﷲ تعالیٰ دے اوناں نال کجھ وعدے کیتے پئی اوہ حضرت ابراہیم نوں اِک وڈا علاقہ دین گے تے اوناں نوں بے شمار اُلاد نال برکتاں دین گے۔ تے دنیا دِیاں ساری قوماں اُوناں دی نسل دے سببوں برکت پان گییاں۔

حضرت ابراہیم اﷲ تعالیٰ اُتے ایمان رکھدے سن پرَ اوہ تے اوناں دی گھِر والی دونویں بزرگ ہوگے سن، تے بچے جمن دی عمر وی گذر چکیُ سی۔

سدوم تے عمورہ دی تباہی دے ویلے فرشتے حضرت ابراہیم دے کول آئے تے اوناں نوں دسیا پئی اگلے سال تیرے گھِر اِک پتر پیدا ہوئے گا حضرت ابراہیم تے بی بی سارہ ایس گل تھوں ہسے کیوں جو اوہ بہت بزرگ ہوچکے سن۔ ایک ورہے پچھوں اوناں دے گھِر اِک پترُ پیدا ہویا، اوناں اُہدا ناں حضرت اضحاق رکھیا جہدا مطلب ایہہ وے پئی ہسن والا۔ اوہ حضرت اضحاق نال بڑا پیار کردے تے اُوناں نوں چنگے لیڑے تے چنگیاں شیواں دیندے سن۔

ایک دِن اﷲ تعالیٰ حضرت ابراہیم نوں اَکھیا پئی توں اپنے پترُ حضرت اضحاق نوں تے کجھ لکڑاں لے کے اوس تھاں جا جہڑی میں تینوں دساں گا۔ تے اوتھے اپنے پترُ اضحاق دی میرے واسطے قربانی دے۔

حضرت ابراہیم اﷲ تعالی اُتے ایمان رکھیا تے جو کجھ دسیا گیا سی اوسے طرحاں کیتا۔ حضرت اضحاق پچھیا ًپئی قربانی لئی جنور کیتھے وے؟ ً حضرت ابراہیم جواب دِتا ً اﷲ تعالیٰ اَپی سربند کرن گے ً۔ اوناں نوں اوہ تھاں لبھ گئی حضرت ابراہیم ہوراں قربان گاہ بنائی تے اُہدے اُتے لکڑاں رکھیاں تے اُہدے اُتے حضرت اضحاق نوں بنھ کے رکھ دِتا، تے قربان کرن دے لئ تیار ہوئے پر اﷲ تعالیٰ دا فرشتہ وکھائی دِتا تے حضرت ابراہیم نوں پترُ قربان کرن تھوں روکیا پئی پترُ نوں کسی طرحاں دا کوی نقصان نا دے۔ فیر حضرت ابراہیم ہوراں اِک برہ ویکھیا جہڑا اﷲ تعالیٰ دے ولوں سربند کیتا گیا سی تے ااُہدی قربانی دِتی۔ اﷲ تعالیٰ حضرت ابراہیم نوں دسیا پئی اوہ ایس گل تھوں بہت خوش ہوئے نیں۔ کیونجو حقیقت وچ اوہ اِک راستباز بندے نیں۔اُہدے بعد حضرت ابراہیم تے بی بی سارہ دے ناواں وچ تبدیلی کیتی گئی سی۔ اﷲ تعالیٰ حضرت ابراہیم نوں اپنے وعدے یاد کرواے ( زمین ۔ ال اُلاد تے دنیا دِیاں برکتاں)۔ حضرت ابراہیم وڈے ہوئے تے اوناں تے پترے تے پوترے پیدا ہوئے۔

 

مِصر

اﷲ تعالیٰ اپنے وعدے پورے کردے نین دے جہڑے اوناں اُتے ایمان رکھدے نیں اوناں نوں برکتاں دیندے نیں۔حضرت ابراہیم دی نسل کال تھوں بچ کے مصر دے دیس وچ اَپڑگی اُوتھے اوناں نوں بادشاہ دے ولوں اِک علاقہ دِتا گیا ایہہ بہت چنگا علاقہ سی، اوس تھاں چار سو ورہے اوہ بغیر کسی تکلیف دے رہے۔ اﷲ تعالیٰ اوناں نوں بہت برکتاں دتِیاں تے اوہ آبادی دی ترقی دےنال مال تے دولت نال وی ودھ گے۔ مصر دا اِک نواں بادشاہ آیا جنہیں اۓ اَکھیا پئی حضرت ابراہیم دی نسل بہت ودھ گئی ایہہ۔ اینج ناں ہوئے پئی اِک دن اوہ ساڈے اُتے قبصہ کرلین۔ ایس بادشاہ نیں اوناں نوں غلام بنا لیا۔ تے اُوناں کولوں اِٹاں نال شہر بنان دا کم لینا شروع کر دِتا۔ کیونجو اﷲتعالٰی دی برکتاں نال اوناں دی گنتی وچ بڑا وہدا ہوگیا سی۔ ایس بادشاہ اوناں دیاں جندگیاں نو ں بڑےدُکھ وچ پا دِتا۔ پر اوہ اﷲ تعالٰی دے ولوں برکتاں پاندے گے۔فیر ایس بادشاہ اوناں دے پیدا ہون والے منڈیاں نوں مروانا شروع کر دِتا۔ اوناں لئی ایہہ اِک وڈا تے ڈہڈا دُکھ بن گیا۔ اوناں اﷲ تعالیٰ اَگے رونا تے کرلاناں شروع کر دِتا۔ اﷲ تعالیٰ حضرت ابراہیم دی اولاد دا رونا کرلاناں سن لیا۔ اوہ اوناں دیاں دُکھاں نوں جاندا سی۔ اﷲ تعالیٰ دا سربند اے سی پئی اﷲ تعالیٰ حضرت ابراہیم دی قوم نوں کسی گھلےِ ہوئے دے وسیلے نال چھٹکارا دین اوہ اﷲ تعالیٰ دے لوک نیں تے اﷲ تعالٰی اوناں اُتے رحم کردے نیں۔ بلدی ہوی جھاڑی اﷲ تعالیٰ اپنے لوکان دے چھٹکارے لئی کِسےنوں بلاندے نیں۔

اِک ایماندار ٹبر اپنے نکے منڈے نوں لکاندے نیں جنہاں دا ناں حضرت موسیٰ سی۔جدوں حضرت موسیٰ کجھ وڈے ہوئے تے اوناں دے گھِر والیاں اوناں نوں ٹوکری وچ لُکایا تے دریا نیل وچ روڑن دے لئی چھڈ دِتا۔ جدون بادشاہ دی دھی دریا وچ نہان دے لئی گئی ہوئی سی، تے اوس حضرت موسیٰ نوں پانی وچوں کڈھ لیا، تے حضرت موسیٰ نوں پالیا پو سیا۔

جدوں حضرت موسیٰ اِک گبرو جوان بن گے، تے اوناں اک بندےنوں مار سٹیا جہڑا حضرت ابراہیم دی نسل دے اِک بندے اُتے ظلم کردا پیا سی۔ اﷲ تعالیٰ دے بندے موسیٰ بیابان نوں ٹرُ گے تے اُوتھے رہ کے اوہ بھیڈ بکریاں دے ایالی بن گے۔ جیویں اﷲ تعالیٰ اوناں نوں تیار کیتا سی جِنوں حضرت ابراہیم دے گھِرانے تیکر پہنچناں سی۔ اِک دن جدوں حضرت موسیٰ بھیڈ بکریاں نوں چار دے پۓ سن، اوناں اِک بلدی ہوی جھاڑی ویکھی، جہڑی سڑَ دی نہیں سی پئی۔ حضرت موسیٰ اِک واج سنیُ ً اپنی جوتی لہہ دےتوں مقدس زمین اُتے کھلوتا ہویا ایں۔ً اﷲ تعالیٰ حضرت موسیٰ نوں ایہہ وی دسیا ً توں مصر نوں جا تے میرے لوکاں نوں چھڈا ً اﷲ تعالیٰ حضرت موسیٰ نوں دسیا ً میں ہاں جہڑا ہاںً اﷲ تعالیٰ اپنے آپ نوں ظاہر کیتا۔ حضرت موسیٰ ڈر گے سن، اﷲ تعالیٰ اوناں نوں اِک کرامت وکھای۔ اوہ سوٹی نوں سپَ وچ بدل سکدے نیں، تے اِک تندرست ہتھ نوں بیمار ہتھ وچ بدل سکدے نیں۔ حضرت موسیٰ اﷲ تعالیٰ تے ایمان رکھیا، تے مصر دے بادشاہ کول اے کہندے ہوے اپڑے پئی اسرائیلیاں نوں جان دے۔ پر مصر دے بادشاہ اے گل دا انکار کیتا۔ حضرت موسیٰ اﷲ تعالیٰ دے لوکاں نال گل بات کیتی تے اوناں نوں دسیا پئی اوہ اوناں دی مخلصی واسطے مدت کرن گے۔تے اوناں نوں اوس تھاں لے جان گے جہڑی تھاں دا وعدہ اﷲ تعالیٰ حضرت ابراہیم نال کیتا سی۔ اﷲ تعالیٰ قادر ِمطلق نیں۔ اوناں مصریاں اُتے دس اَفتاں گھلیاں۔ تے اوناں دے سارے پہلوٹھے وی مار دِتے۔ اوہ بچ گے جناں دے بوہیاں دی چو کٹاں اُتے خون لگیا ہویا سی۔ اَخر وچ مصر دے بادشاہ اوناں نوں جان دِتا۔ اسرائیلی بیابان دے ول حضرت موسیٰ دی راہنمائی وچ ٹرُ پئے۔

 

دس حکم اﷲ تعالیٰ راستبازی دی آس کردے نیں۔

حضرت ابراہیم دی اُلاد مصر دے دیس وچون نکل آئے۔ مصری بہت گصُے وچ سن تے اوناں اسرائیلیاں دے پچھے اپنی فوج گھلی، اﷲ تعالیٰ دے لوکی بہت ای سن، تے اوناں نوں بیابان وچ لبھنا وی بہت اَسان سی اوہ اِک وڈے سمندر دے کنڈھے اَپڑ گے۔ ہن اوہ پھس گے سن۔ پر اﷲ تعالیٰ سمندر دے پانی نوں دو پاسیاں وچ تقسیم کر دِتا تے اوہ سوکی زمین تھوں لنگ کے دوجے پاسے جا اپڑے۔ پر جدوں مصری فوج پانی دے راہ وچوں اندر آئی تے اﷲ تعالیٰ پانی نوں چلا دِتا تے مصری فوج ڈوب موئی۔ اُس زمین دی راہ وچ جہدا اﷲ تعالیٰ وعدہ کیتا سی۔

اﷲ تعالیٰ بیابان وچ اوناں لئی ۔کھان۔پین دا سربند وی کیتا۔ پر ہمیشہ لوکاں شکیتاں کیتیاں۔ حضرت موسیٰ اکلے دُعا کرن لئی پہاڑ اُتے چڑھ گے۔ اﷲ تعالیٰ دی حضوری۔ طفان۔ بدل دی گرج، چمک دی صورت وچ آئی۔ لوکی ڈر گے۔ اﷲ تعالیٰ حضرت موسیٰ نوں دس حکم دِتے پہلا، میرے اَگے کوی دوجا خدا نہیں۔ دوجا، بتان نوں نا پوجناں۔ تیجا، میرے ناں نوں برُیاں کماں لئی نہیں ورتناں۔ چوتھا، سا تویں دن کم نا کرنا۔ اَٹھواں، چوری نا کرناں۔ ناواں، جوٹھی گوای نا دیناں۔ دسواں، کسی ہور بندے دی جنانی تے اُہدے مال دا لالچ نہ کرناں۔ اﷲ تعالیٰ ایہہ سب کجھ پتھر دیاں سلیٹاں اُتے لکھیا۔

حضرت موسیٰ بہت دن تیکر پہاڑ اُتے رہیے۔ لوکاں شک کرناں شروع کر دِتا، اوہ سوچن لگ پئے پئی حضرت موسیٰ گذر گے نیں۔ حضرت ابراہیم دی ال اُلاد اِک ایہو جیا خدا اَپی بنایا جنوں اوہ ویکھ سکدے سن۔ اوناں کول گہنے تے پیسے سن، جہدے نال اوناں اِک بچھڑے دا بت بنایا، تے اُہدی پرستش کیتی تے اُہدے نال اوناں بہت پاپ وی کیتےحضرت موسیٰ پہاڑ تھوں آئے، تے اوناں نوں ویکھیا پئی لوک کیہ کردے پئے نیں۔ اوناں نوں بڑا گصہ آیا۔ حضرت موسیٰ اﷲ تعالیٰ دے لکھے ہوئے حکم پن سٹےُ، تے حضرت موسیٰ بچھڑے دے پوجاریاں نوں قتل کردِتا۔ حضرت موسیٰ پتھر دیاں سلیٹاں فیر بنایاں تے اﷲ تعالیٰ فیر اوناں اُتے دس حکم لکھ دِتے۔ لوک ایس واسطے مارے گے کیونجو اوناں اﷲ تعالیٰ دی نافرمانی کیتی۔ اﷲ تعالیٰ چاہندے نیں پئی اسی اُہدے پچھے چلیئے تے اُہدہ حکم مانیئے۔

 

پتل دا سپَ

اﷲ تعالیٰ رحم کرن والے نیں تے ساڈے لئی نجات دی راہ دا سربند کردے نیں۔ اوہ چاہندے نیں کہ اسی سارے کم اُہدی مرضی دے مطابق کریئے۔جدوں اﷲ تعالیٰ دے لوک اِک تھاں تھوں دوجی تھاں جاندے پے سن، تے اوہ بہت شکیتاں کردے پے سن تے اﷲ تعالیٰ تے بھروسہ نہیں کردے سن۔ جدوں اوہ اُس زمین دے نیڑے اَپڑ گے تد اﷲ تعالیٰ حضرت موسیٰ نوں اَکھیا کجھ لوکاں نوں گھلو تانجو اوہ اوس زمین نوں ویکھ کے اآن، علاقہ بڑا چنگا سی، پر اُوتھے خطرہ وی بہت سی۔ ایس لئی اوناں نوں اﷲ تعالیٰ اُتے پورا بھروسہ رکھنا سی۔ اﷲ تعالیٰ جہڑا سربند اوناں لئی کیتا سی۔ لوکاں اُہدے اند ر جان تھوں انکار کر دِتا۔ فیر اﷲ تعالیٰ اپنے لوکاں نوں تباہ کرن دا فیصلہ کیتا۔پر حضرت موسیٰ دُعا کیتی تے اﷲ تعالیٰ اوناں دی دُعا سنیُ۔ اﷲ تعالیٰ حضرت موسیٰ نوں دسیا پئی اپنے لوکاں نوں اے گل دس دے پئی اوہ چالی ورَیاں تیکر ایس بیابان وچ پھر دے رہن گے۔ اﷲ تعالیٰ اَکھیا اوہ سارے جناں وعدے دی زمین وچ جان تھوں انکار کیتا اوہ کدی وی اوس زمین دے اندر نہیں جان گے۔

بیابان وچ پھر دے ہوئے لوکاں ہور وی بڑیاں شکیتاں کِیتیاں تے اﷲ تعالیٰ دی نافرمانی وی کیتی، اﷲ تعالیٰ سپَ گھلے جناں بہت ساریاں لوکاں نوں ڈنگ ماریا۔ حضرت موسیٰ فیر دُعا منگی تے اﷲ تعالیٰ اوناں دی دُعا سنی، اﷲ تعالیٰ حضرت موسیٰ نوں اَکھیا پئی اِک پتل دا سپ بناتے اوس نوں اُچی تھاں تے لٹکایا۔ جہڑا وی اوس سپ نوں ویکھے گا اوہ بچ جاوے گا۔ اوہ جناں جناں ویکھن تھوں انکار کیتا اوہ مر گے۔ اُہدے بعداوہ بہت ورَیاں تیکر پھردے رہے۔ اﷲ تعالیٰ اوناں نال محبت رکھی تے اوناں نوں کھان لئی دِتا۔ اوناں دیاں جوتیاں تے لیڑے نا پاٹے۔ ہولی ہولی اوہ لوک جناں وعدے دی زمین وچ جان دا انکارکیتا سی اوہ سب مرگے۔ اﷲ تعالی اوناں نوں وعدے دی زمین وچ لے آئے تے اوناں نوں اوہ زمین دِتی۔ اوناں اپنے شہر تے کھلیان بسائے تے اوس زمین اُتے بہت ورَیاں تیکر رہیے۔

 

حضرت عیسٰی المسیح دی پدیش

اﷲ تعالیٰ اپنے وعدیاں نوں یاد رکھدے نیں تے ابن ِآدم نوں گھلدے نیں۔ اﷲ تعالیٰ اپنے بہت سارے پیغمبر ایس جگ وچ گھلے جناں دسیا پئی اﷲ تعالیٰ اِک ایہو جے نبی نوں گھِلن گے جہڑا تاونوں تہڈُےپاپ دی سزا تھوں چھٹکارا دیوے گا۔ وعدے دی زمین وچ اِک اﷲ تعالیٰ دے بندے جناں دا ناں حضرت یوسف سی اوناں دی منگنی اِک جوان مٹیار بی بی مریم نال ہوچکی سی۔

بی بی مریم دا کسی بندے دے نال کسی قسم دا کوئی جسمانی رشتہ نہیں سی پر اﷲ تعالیٰ اوناں دے رحم وچ روحُ القدوس دی قدرت نال اِک بچے نوں رکھیا جدوں حضرت یوسف نوں اے پتہ لگیا پئی او اِک بچے دی اُمید نال نیں یعنی ماں بنن والی نیں۔ اوناں اے سوچیا پئی میں اوناں نوں چپ کر کے چھڈ دیواں۔ اﷲ دے فرشتے حضرت یوسف تے بی بی مریم نال وکھری وکھری ملاقات کیتی تے اوناں نوں دسیا اے سب کجھ اﷲ تعالیٰ دے ولوں ہوندا پیا اے۔ حضرت یوسف بی بی مریم نال نکاح کیتا تے اوناں نوں اپنے گھِر لے آئے تے جیویں فرشتے اَکھیا سی کیتا پئی بی بی مریم نال کوئی جسمانی تعلق نا رکھیا جدوں تک اوناں دے گھِر اِک پترُ نا پیدا ہویا۔ اُس ویلے دی حکومت اِک وڈا فرمان جاری کیتا پئی ہر بندہ اپنا ناں لیکھوان نوں اپنے باپ دادا دے شہر نوں جاوے۔

بی بی مر یم دا بچے نوں جنم دین دا ویلا نیڑے آ گیا سی، بیت الحم دے ول پنیڈا کردیاں ہوئیاں اوناں نوں رہئن لئی کوئی تھاں نا لبھی۔ اَخر وچ او جنوراں دے اِک اصطبل وچ آ ٹھہرے۔ حضرت مریم ہوراں حضرت عیسٰی نوں جنوراں والی تھاں اُتے جنم دِتا۔ فرشتے ایالیاں دے کول گے تے اوناں نوں اَکھیا ً اَج تہاڈے لئی اِک نجات دین والا پیدا ہویا اے ً تے اﷲ تعالیٰ تہاڈے نال نیں۔ ً ایالیاں اے سنیا تے اوتھے گے تے حضرت عیسٰی المسیح دے اَگے متھا ٹیکیا۔ جدوں حضرت عیسٰی المسیح نکے سن تے اوہ اوناں نوں یروشلیم دی ہیکل وچ لے گے تانجو اﷲ تعالیٰ دے حضور شکر گذاری دی قربانی دین۔ ہیکل وچ اِک بزرگ ہوندے سن، جناں دا ناں حضرت شمعون سی اوہ بہت ای کمزور ہو چکے سن، اﷲ تعالیٰ اوناں نوں اے گل دسی سی پئی ً جدون تیکر توں نجات دین والے نوں نا ویکھ لویں توں نہیں ایس دنیا تھوں جاویں گا۔ ً جدوں بی بی مریم تے حضرت یوسف عیسٰی المسیح نوں اوس تھاں لے کے گے تے اﷲ تعالیٰ حضرت شمعون نوں دسیا پئی ً ایہو نجات دہندہ نیں۔ ًتے بزرگ جنانی جناں دا ناں بی بی حنا سی اوہ وی اوتھے ای سن ، اوناں وی اﷲ تعالیٰ دے وعدے نوں یاد رکھیا پئی اﷲ تعالیٰ اِک نجات دین والے نوں گھِلن گے۔ بی بی حنا تے حضرت یوسف شمعون نال خوشی منای۔ ہیکل وچ اے اُچی اُچی دسیا پئی نجات دین والا آگیا جے۔ جدوں حضرت عیسٰی المسیح بارہ ورَیاں دے ہوئے۔ اوہ فیر ایس جشن تے گے جیویں اوناں دے ماں، پیو اوناں نون لے کے جاندے ہوندے سن۔ جشن دے مگروں اوناں دے ماں پیو گھِر اَپڑگےپر اوناں ویکھیاحضرت عیسٰی اوناں نال نہیں سن۔ اوہ گھبرا گے تے مُڑ کے اوتھے ہیکل وچ آئے تے اوناں ویکھیا پئی حضرت عیسٰی یہودی عالماں دے نال بیٹھے ہوئے اوناں نال سوال، جواب کردے پے سن تے اوہ جناں اوناں دی گل بات سُنی اوہ حضرت عیسٰی دیاں گلاں تھوں خوش تے حیران وی ہوئے۔

 

حضرت عیسٰی المسیح دا بپتُسمہ

حضرت عیسٰی اپنے کم نوں بپتسمے نال شروع کیتا۔ بپتُسمہ نویں ایمان داراں لئی عام اے۔ اﷲ تعالیٰ اِک نبی جناں دا ناں حضرت یحییٰ سی اوناں نوں گھلیا۔ اوہ حضرت عیسٰی المسیح دے رشتے دار وی سن اوہ بیابان وچ اﷲ دی تبلیغ کردے ہوندے سن شہر وچ نہیں۔ حضرت یحییٰ لوکاں نوں اَکھیا پئی توبہ کرو، تے اﷲ تعالیٰ دی پیروی کرو تے راسباز بن جاؤ۔ اوناں لوکاں نوں پانی نال بپتُسمہ دِتا، بپتُسمہ اینج اے جیویں اِک بندہ نویں سِرے تھوں پیدا ہوندا اے۔ پرانا انسان مر کر دفن ہو جاندا اے۔ حضرت یحییٰ لوکاں نوں دسیا پئی اوہ چنگے کم کرن تے جو کجھ اوناں دے کول اے اوسے وچ خوش رہن دی کوشِت کرن، تے اوناں جواب دِتا ً اِک میرے مگروں اَن والا اے تے میں اُوہدی جوتی دی ودری کھولن دے لیق نہیں۔ اوناں ایہہ وی اَکھیا اُہدے واسطے اپنی راہ تیار کرو اوناں دا اشارہ حضرت عیسٰی المسیح دے ول سی۔ جدوں حضرت عیسٰی المسیح تریہہ وریاں دے ہوئے۔ تے اوناں اپنی تعلیم دے کم نوں اوتھوں شروع کیتا جتھوں حضرت یحییٰ بپتُسمہ دیندے پے سن۔ جدوں حضرت یحییٰ عیسٰی المسیح نوں اپنے ول آندے ہوئے ویکھیا، تے اوناں اَکھیا اے اوہ قربانی اے جہڑی دنیا دےپاپ چک کے لے جاندی اے تُسی اُہدے تے دھیان دیؤ۔ حضرت عیسٰی پانی وچ اُترے، پر حضرت یحییٰ اوناں نوں بپتُسمہ نہیں دینا چاہندے سن۔ کیونجو اوہ جاندے سن پئی حضرت عیسٰی پاک نیں۔ پر حضرت عیسٰی المسیح اوناں نوں اَکھیا ً مینوں بپتُسمہ دیؤ تانجو دسیا جائے پئی کیہ چنگا اے۔ حضرت یحییٰ حضرت عیسٰی المسیح نوں پانی دے اندر لے گے جدوں حضرت عیسٰیٰ پانی تھوں باہر آئے فیر اِک اُچی واج آئی ًایہہ میرا پترُ اے جہدے تھوں میں خوش آں۔ اﷲ تعالیٰ دی روح حضرت عیسٰی اُتے کبوتر دی صورت وچ اُتری ایس طرحاں حضرت عیسٰی اپنی تبلیغ دے کم نوں شروع کیتا۔

 

ایس طرحاں اسی وی اﷲ تعالیٰ دے نال چل سکنیں آں۔

حضرت عیسی دی زمینی جندگی دے پچھوں اوناں دے اِک پیروکار افریقہ دے اِک بندے نال ملے۔اوہ بندہ اﷲ تعالیٰ دا کلام پڑھدا پیا سی پر اوہ اﷲ تعالیٰ دے وعدیاں نوں سمجھ نہیں سکدا سی، حضرت عیسٰی المسیح دے چیلے اُونوں اُہدہ مطلب دسیا۔ افریقی بندے اَکھیا ًمیں حضرت عیسٰی المسیح تے ایمان رکھنا اں۔ ہون تیکر میں کیوں بپتُسمہ نا لے سکیا ً۔حضرت عیسٰی دے چیلے اُہدے نال پانی وچ اُترے تے اوس افریقی بندے نوں بپتُسمہ دِتا۔حضرت عیسٰی المسیح سانوں بنایا اے۔ کیہ ٹھیک تے کیہ گلط اے، ہون سانوں چاہیدا اے پئی اَسی ایہو کجھ کریئے جہڑا بلکل ٹھیک اے۔حضرت عیسٰی المسیح دا جھیل اُتے طفان دا تھم دیناحضرت عیسٰی ایس قدرتی دنیا اُتے قوت رکھدے سن۔

حضرت عیسٰی دے بپتُسمہ دے پچھوں بہت لوکاں اوناں دی حیاتاتی تعلیم نوں سننا شروع کر دِتا۔ اُونا ں بہت ساریاں کرامتاں وکھایاں تے لوکاں نوں شفا دِتی۔ حضرت عیسٰی باراں چیلیاں نوں چنیا، تے اوناں نوں تعلیم دِتی۔تے اوہ حضرت عیسٰی دے نال آندے جاندے ہوندے سن۔

اِک دن اوناں پورا دن تبلیغ تے شفا دین وچ گذاریا۔ اوہ بہت تھک چکے سن۔ اوہ سارے بیڑی وچ سوار ہوئے تانجو کجھ ویلے تیکر لوکاں دی بھیڑ تھوں دور چلے جان۔ جدوں اوہ سارے بیڑی اُتے بیٹھ گے تے عیسٰی المسیح سوں گے، فیر اِک بڑے زور دا طفان آیا۔حضرت عیسٰی دے چیلے ماچھی سن تے اوہ بیڑیاں دے بارے وچ بہت کجھ جاندے سن طفان بڑا تیز سی، اوہ ڈر گے۔اوناں حضرت عیسٰی نوں ایہہ کہندے ہوئے جگایا ً کیہ توا نوں ساڈی فِکر نہیں پئی اَسی مرجاواں گے؟ حضرت عیسٰی اُٹھ کے اوناں نوں پچھیا تسی کیوں ڈر دے او؟ تہاڈا ایمان کیتھے وے؟ حضرت عیسٰی کھلو کے اپنا ہتھ چک کے ہوا تے ہُنیری نوں حکم دِتا تھم جا۔ ہُنیری تے بارش روک گئی۔ ٹھلاں وہی روک گییاں۔ ہون سکون ہوگیا سی۔ حضرت عیسٰی دے چیلیاں آپو وچ اَکھیا۔ ایہہ کون اے؟ اہدہ اَکھا ہُنیری تے ٹھلاں وی ماندیاں نیں۔حضرت عیسٰی اوناں نوں وکھا لیا پئی ایس قدرتی جگ دے لئی اوناں کول اﷲ تعالیٰ دی قوت اے۔ اوہ بیڑی نوں جھیل دے دوجے کنڈے لے آئے۔

 

حضرت عیسٰی دا بدروح گرفتہ بندے نوں شفا دینا۔

پچھلی کہانی وچ حضرت عیسٰی طفان نوں تھم دیندے نیں۔ اِک بندہ جھیل دے دوجے کنڈے اُتے رہندا ہوندا سی۔ اوس بندے نوں بدروحاں جکڑ رکھیا سی بدروحاں اوتھے رہندیاں نیں جتھے مُردیاں نوں دفن کیتا جاندا اے۔اے بندہ ننگا سی، لوکاں اونوں جنجیراں نال بنن دی کوشِت کیتی۔ پر اوہ ہر ویلے اوناں کولوں نس جاندا سی۔ اوہ اپنے آپ نوں نقصان دیندا سی، کیوںجو اوہ پورے طور نال اپنے آپ تھوں باہر ہو جاندا سی۔ جدوں حضرت عیسٰی تے اُہدے چیلے جھیل دے کنڈے اَپڑے فیر اوہ بندہ نسدا ہویا اوناں ول آیا، تے اپنے آپ نوں ڈیگ دِتا۔اُس بندے وچ بدروحاں اُچی واج نال کہیا ً حضرت عیسٰی اﷲ تعالیٰ دے پترُ تسی ساڈے کولوں کیہ چاہندے او؟ ً حضرت عیسٰی پچُھیا ً تہاڈا ناں کیہ اے؟ ً بدروحاں جواب دِتا لشکر، کیونجو اَسی بہت اں ً بدروحاں اُہدے وچوں نکلنا نا چاہیا، وہ جاندیاں سن پئی حضرت عیسٰی اوناں نوں برباد نہیں کر سکدے۔ اوناں حضرت عیسٰی دی منت کیتی، پئی سانوں ایک جنوراں دے جُنڈ وچ گھِل دے جہڑا نیڑے ای سی۔ حضرت عیسٰی اوناں نوں جنوراں دے اِجڑ وچ گھِل دِتا۔ ناپاک جنوراں دا ایہہ جنڈ پانی دے ول نسیا تے ڈوب مویا۔ ناپاک جنوراں وی بدروحاں نال رہن نالو ں مر جانا قبول کیتا۔

بدروحاں نال پھڑیا ہویا بندہ فیر اپنے ہوش وچ آیا تے اوس لیڑے پائے۔ اوس حضرت عیسٰی دے نال جاناں چاہیا۔ پر حضرت عیسٰی اوناں اَکھیا توں اپنے گھِر اپنے لوکاں کول جا، اوس ایس طرحاں ای کیتا۔ تے شہر شہر جا کےتبلیغ کیتی۔ شہر دے لوکاں جدوں ایس عجیب کم دے بارے وچ سنیا تد اوہ حضرت عیسٰی دے کول آئے تے اُہدی منت کرکے اکھیا پئی توں ایتھوں ٹرجا۔ حضرت عیسٰی سوچیا پئی اوہ ایس گل نال خوش ہون گے پر اوہ سچیائی نوں قبول نہ کرسکے۔حضرت عیسٰی تے اوناں دے چیلے کشتی وچ سوار ہوئے تے واپس ٹر گے۔

 

حضرت عیسیٰ اِک جوان کڑی نوں جندگی دیندے نہیں۔

حضرت عیسیٰ موت تے اختیار رکھدےنہیں۔ حضرت عیسیٰ تعلیم دیندے، شفا دیندے تے لوکاں نوں تمثیلاں سناندےہوئے آئے۔ اِک واری عبادت خانے دا سردار ایہہ منت کردا ہویا حضرت عیسیٰ دے کول آیا، پئی میرے نال چل تے میری دھی نوں شفا دے۔ اوہ بہت ای بمار اے۔ کڑیُ دے پیو اَکھیا جے تُسی میرے نال او تے اُہدے سر اُتے ہتھ رکھو تے اوہ بچ جائے گی حضرت عیسیٰ اُہدے نال گھِر ول ٹرُ پئے۔ اپڑن تھوں پہلاں اوناں لوکاں نوں روندے تے پیڈے ہوئے ایہہ سنیا پئی تیری دِھی مر گئی اے حضرت عیسیٰ اَکھیا نہ ڈر بس ایمان رکھ، اپنا ایمان کمزور نہ کر۔ اوہ مر نہیں گی، بس ستیُ اے روندے تے ماتم کر دے ہوئے لوکی ہسن لگ پئے۔ اوہ جاندے سن پئی موت کیہو جی ہوندی اے حضرت عیسیٰ کڑیُ دے ماں پیو ، حضرت پطرس، حضرت یعقوب تے حضرت یوحنا دے علاوہ ساریاں لوکاں نوں کمرے وچوں کڈھ دِتا حضرت عیسیٰ اَکھیااے نکی کُڑیے اُٹھ کھلو، اونہیں اَکھاں کھول دِتیاں تے اُٹھ بیٹھی اِیس گل تھوں سارے حیران ہوگے۔ حضرت عیسیٰ اوناں نوں حکم دِتا پئی کڑیُ نوں کجھ کھان لئی دیؤ۔ حضرت عیسیٰ ایس گھِر تھوں ٹرُ گے۔ کڑیُ چنگی بھلی ہوگی سی۔ تہاڈا کی خیال ہوئے گا جے تسیُ جنازے تے گے ہو و تے ایہو جیا واقعہ تہاڈے اگے آجاوے؟

حضرت عیسیٰ بہتریاں نوں روٹی کھواندے نیں۔

حضرت عیسیٰ لوکاں دی لوڈاں پوریاں کردے نیں۔

بہت تے بہت ای حضرت عیسیٰ دے چیلے بن گے۔ اوہ اوناں نوں سننا چاہندے سن۔ اوہ اپنی بماریاں تھوں چنگے ہونا چاہندے سن دن تے رات ہزاراں لوک اوناں دے نال ہوندے سن۔ اِک واری اینج ہویا پئی حضرت عیسیٰ تے چیلیاں اوناں نوں پچھے چھڈ دِتا تے اِک اُجاڑ تھاں تے اپڑے۔ پنج ہزار توں وی بہتے لوکاں اوناں دا پِچھا کیتا۔ تے اوس تھاں جا اَپڑے۔ شاماں پے گیاں سن۔ تے لوکی بھکُ نال مندے حال وچ سن۔ چیلیاں حضرت عیسیٰ دی منتِ کیتی پئی اوناں نوں پچھاں کھل دیؤ تانجو اور اپنے لئی کھان پین دا بندوبست کر سکن۔ حضرت عیسیٰ اوناں نوں اَکھیاں پئی ایس ویلے اوناں نوں کیتھوں روٹی ملےِ گا؟ تسیُ اوناں نوں کھان لئی دیؤ ۔ اینے لوکاں لئی دو سو دِناں دی تنخواہ۔چیلیاں جواب دِتا جو کجھ اسی لبھ سکے اں او ایہہ وے اِک منڈے دی روٹی ( ایس منڈےکول پنج روٹیاں تے دو مچھلیاں نیں) اوہ گروہوں دی شکل وچ زمین اُتے بیٹھ گے۔ حضرت عیسیٰ اوس منڈے دی روٹی لئی تے اﷲ تعالیٰ دا شکر کیتا۔ روٹی توڑی تے اپنے باراں چیلیاں نوں دِتی تے اَکھیا پئی ایناں وچ ونڈ دیؤ )اوہ دس۔ پندرہ ہزار لوک سن ) جدوں سارے لوک روٹی کھا کے رج گے فیر چیلیاں باراں ٹوکریاںبچے ہوئے ٹکڑیاں نال بھریاں۔ جہڑیاں کھان والیاں دے رج جان دے مگروں ودھ گییاں سن۔

 

حضرت عیسیٰ اِک اَنے نوں اَکھاں دیندے نہیں ۔

حضرت عیسیٰ بماریاں اُتے اختیار رکھدے نہیں حضرت عیسیٰ عبادت خانے نوں گے اَج عبادت دا دن سی۔ جدوں اوہ عبادت خانے تھوں نکلے، اوناں اِک اَنے نوں خیر منگدیاں ہوئیاں ویکھیا۔حضرت عیسیٰ دے چیلیاں اَکھیا کس گناہ کیتا سی پئی اے اَنا جمیاں؟ کسےِ گناہ نہ کیتا۔ ایہہ اس لئی اَنا جمیا پئی اﷲ تعالیٰ دی قدرت تے اختیار نوں وکھاوے۔

حضرت عیسیٰ گلیِ مٹی لیی تے اپنیاں ہتھاں وچ مل کے اُہدیاں اَکھاں اُتے لا دِتی۔ حضرت عیسیٰ ا ُونوں حکم دِتا جا اپنیاں اَکھاں دھولے اَنا گیا تے اپنی اَکھاں دھوتیاں تے اوہ ویکھن لگ پیا۔ لوکاں اونوں ویکھیا تے پُچھیا کی ایہہ اوہ اَنا فقیر نہیں؟ کجھ بندیاں اَکھیا ایہہ اوہ نہیں۔ ایہہ اُہدے وانگر وکھائی دیندا اے۔ ایہہ اوہ ای اے مذہبی سرداراں جہڑا اَنا سی اونوں پُچھیا توں کیویں سجھا کھا ہویا ایں؟ جہڑا اَنا سی اوس جواب دِتا حضرت عیسیٰ مینوں شفا دِتی اے، اوہ اِک نبی نیں۔ اوناں گلیِ مٹی لئی تے میریاں اَکھاں اُتے لا دِتی، تے جدوں میں اپنیاں اَکھاں دھوتیاں تے میں ویکھ سکدا ساں۔ نہیں اے اِک گناہ گار اے اوہ حضرت عیسیٰ تھون ڈر گے۔ ایہہ اوناں دے لئی اِک نوی شے سی۔ کیہ اِک گناہ گار کسےِ نوں شفا دے سکدا اے؟ تسیُ لوک سردار او پر سچیائی نوں ویکھن دا انکار کردے او۔ جہڑا اَنا سی پر ہون سجا کھا ہو چکیا سی اوس اے اَکھیا۔ جے کوی بندہ اﷲ تعالیٰ دی عبادت کرے تے اُہدی مرضی نوں پوریاں کرے تے اﷲ تعالیٰ اُہدی ضرور سندُے نیں۔ دنیا دے مڈھ تھوں کسے اَج تیکر اے ناسنیا پئی کسے جماندرو اَنے نوں اَکھاں دیتیاں ہون۔ جے اوہ اﷲ تعالیٰ ولوں نہیں تے فیر اوہ اے کینویں کر سکدے نہیں۔ اہدے پچھوں اوہ فیر حضرت عیسیٰ نوں ملیا تے حضرت عیسیٰ اونوں پُچھیا کیہ تُوں ابن ِ اﷲ اُتے ایمان رکھدا ایں؟ اوہ کون اے جہدے اُتے میں ایمان رکھاں؟ اَنے اکھیا۔ ایہہ اوہ اے جنِوں ہون توں ویکھنا پیا ایں، تے اُہدے نال گلاں کردا پیا ایں۔ حضرت عیسیٰ اونوں اَکھیا۔ میں ایمان رکھنا اں جہڑا اَنا سی اوس جواب دِتا۔

 

اَخری فسح یاں اَخری روٹی

حضرت عیسیٰ سانوں وکھایا پئی چنگے راہ نماکیہو جے ہوندے نیں۔ تے اپنے کماں نال وکھایا پئی اسی اوناں نوں کیویں یاد رکھیے۔

حضرت عیسیٰ یروشلیم وچ سن، اوتھے اوناں تبلِیغ دے کم نوں جاری رکھیا جدون تیکر مزہبی سردار اوناں نال گصےُ نا ہو گے۔ مذہبی سردار اوناں نوں پھڑن دی تیاری کرن لگے۔ حضرت عیسیٰ اِک خاص روٹی تیار کروائی تے اوناں نوں تعلِیم دِتی پئی ہون اوناں دی تبلیغ دے کم دا ویلا ختم ہون والا اے۔

حضرت عیسیٰ اپنیاں چیلیاں نوں دِسیا پئی کجھ ویلے تیکر ایہہ اَخری کھانا اوہ اَکھٹے اوناں نال کھان گے۔ حضرت عیسیٰ اُٹھ کھلوتے ، تے اپنے اُتے دے لیڑے لہہ دِتے تے اِک تولیہ اپنے لک نال بن لیا۔ حضرت عیسیٰ اپنے چیلیاں نوں دسیا پئی تہانوں لوڑ اے پئی تسیُ اِک دوجے دے پیر دھوو چیلے ایہہ کرن تھوں چک دے پے سن۔ پر حضرت عیسیٰ ایس گل تے زور دیتا اوہ اک دُوجے دے پیر دھون۔ حضرت عیسیٰ اَکھیا اے تہاڈے لئی اِک نمونہ اے پئی سرداراں نوں خادم بننا چاہیدا اے اوناں چیلیاں نوں یاد کرایا میریاں حکماں تے چلو۔ اہدے مگروں یہودہ جہڑا اوناں دا پکڑوان والا سی۔ اُہدے ول اشارہ کیتا۔ یہودہ اُٹھے تے حضرت عیسیٰ نوں پکڑوان لئی باہر چلے گے۔

فیر حضرت عیسیٰ نے کھانے لئی دُعا کیتی تے روٹی توڑی تے اَکھیا اے تہاڈے لئی اِک نمونہ اے۔ اے میرا بدن اے جہڑاتہاڈے واسطے توڑیا جاندا اے جدون کھاو تے مینوں یاد رکھو۔ فیر حضرت عیسیٰ پیالہ لیا تے اوناں نوں پین لئی دِتا تے کہیا اے میرا خون اے جہڑا تہاڈے واسطے بہایا جاندا اے۔ تہاڈے واسطے اے اِک نمونہ اے تے اﷲ تعالیٰ دا اِک نواں وعدہ جہڑا تہاڈے نال کیتا جاندا اے۔ جدوں پیو تے مینوں یاد رکھو اہدے پچھوں حضرت عیسیٰ اپنے چیلیاں دے نال ہم کلام ہوئے۔ فیر اوہ شہر دے باہر دُعا کرن لئی مڑ گے۔

 

حضرت عیسیٰ پھڑے تے سُولی دِتے جاندے نیں۔

اُس ساڈے لئی اپنی جان دِتی۔ اَخری روٹی کھان دے مگروں حضرت عیسیٰ دے چیلیے شہروں باہر دُعا کرن لئی ٹرُ گے۔ دُعا منگدے ہوئے یہودہ حضرت عیسیٰ نوں پھڑن واسطے سپاہیاں نوں لے آیا۔ فیر سپاہی حضرت عیسیٰ نوں مہذبی سرداراں دے سامنے لیائے۔ سپاہیاں حضرت عیسیٰ نوں بہت ماریا اوناں بہت کوشِت کیتی پئی اوہ جھوٹ من لین پر اوناں سچیائی دی گل کیتی۔ بادشاہ اوناں نوں اَکھیا ایس بندے کوئی بُریالی نہیں کیتی پر سرداراں اَکہیا حضرت عیسیٰ نو مار دیؤ۔ بادشاہ حضرت عیسیٰ نوں کوڑے مرواے، مذہبی سرداراں اونوں مروانا چاہیا سپاہیاں اوناں نوں بہت ماریا تے ٹھٹھے وی مارے۔ اَخر وچ بادشاہ ایہہ گل من لئی پئی حضرت عیسیٰ نوں سُولی دِتی جاوے۔

سپاہی حضرت عیسیٰ نوں شہروں باہر لے گے تے اوناں نوں سُولی دِتی، اُہدے ہتھاں تے پیراں وچ کیل ٹھوک دِتے تے اُہدے سر اُتے کنڈیاں دا تاج رکھ دِتا تے سُولی نوں سدِھا کھلار دِتا۔ سُولی اُتے حضرت عیسیٰ المسیح بڑی تکلیف تے دُکھ و چ سن۔ تے چنگی طرحاں ساہ وی نہیں لے سکدے سن۔ سپاہیاں حضرت عیسیٰ نوں کوڑی (مے) پین لئی دِتی پر حضرت عیسیٰ انکار کیتا۔ حضرت عیسیٰ ایہہ کہدیاں ہوئیاں اپنی جان دے دیتی پورا ہوا۔ حضرت عیسیٰ سارے جہان دے گناواں دی سزا آپی جھلِ لئی۔ ایک بندہ جنِیں کدی گناہ نہیں سی کیتا ، اوس سارے گناہگاراں دے گناہاں دا کفارہ دِتا۔ اﷲ تعالیٰ وعدہ کیتا سی پئی سارے جگ دے لوک اِک بندہ دے وسیلے نال اُہدے لوکاں وچ رِل جان گے۔ جدوں حضرت عیسیٰ المسیح اپنی جان دے دِتی۔ دوپہر ویلے سورج لکُ گیا تے ہنرا ہوگیا۔ سپاہیاں دے سردار ایس گل نوں ثابت کیتا پئی حضرت عیسیٰ گذرُ چکے نیں۔

 

قیامت

حضرت عیسیٰ المسیح اپنی موت تے اختیار رکھدے نہیں۔

حضرت عیسیٰ دے منن والے اُوتھے اپڑے جتھے اوناں نوں سُولی دے کے مار دِتا سی۔ تے اُہدے بدن نوں لییا تے اِک غار وچ جہڑی ٹھنڈی تھاں سی ایس قور وچ رکھ دِتا۔ اِک وڈا وَٹا (چٹان) قور دے منہ اُتے رکھ چَھڈیا۔ تے قور اُتے پہرہ بٹھایا۔ پر حضرت عیسیٰ دے چیلے اُہدے بدن نوں دفن کرن لئی تیار نا کرسکے کیونجو ایہہ چھٹیُ دا دن سی۔

تین دِناں دی چھٹی دے مگروں ، کجھ جنانیاں حضرت عیسیٰ المسیح دے بدن نوں دفن کرن دی تیاری لئی آئیاں۔ جدوں اوہ اوس غار تے اَپڑیاں تے پہرہ دین والے سپاہی ٹرُ گے ہوئے سن۔ تے اوہ وڈا وَٹا وی ہٹا دِتا گیا ہویا سی۔ قور دے اندر اوناں دو فرشتیاں نوں ویکھیا۔ فرشتیاں اوناں نوں اَکھیا پئی تسیُ جندے نوں مردیاں وچ کیوں لبدیاں او؟ وہ ایتھے نہیں اوہ مردیاں وچوں جی اُٹھے نہیں۔ کیونجو اوہ اپنی موت اُتے اختیار رکھدے نہیں۔ جنانیاں جنہاں ایہہ سب کجھ ویکھیا سی سندیاں ہویاں شہر وچ مڑ آئیاں جتھے حضرت عیسیٰ المسیح دے چیلے غار نوں ویکھن گے تے اوناں نوں معلوم ہوگیا پئی اوہ جی اُٹھے نہیں اہدے مگروں حضرت عیسیٰ المسیح اپنے چیلیاں نوں وکھائی دِتے۔ اوناں نوں تلعیم دِتی، تے اوناں نال روٹی کھادی۔ پنج ہزار بندیاں تھوں بہتیاں جی اُٹھن دے مگروں حضرت عیسیٰ المسیح نوں ویکھیا۔ اوناں نوں یاد کروایا پئی تسیُ ایس جگ دے ساریاں لوکاں کول جاؤ تے اوناں نوں اﷲ تعالیٰ دے وعدیاں دی تبلیغ دیؤ۔ جہڑے اﷲ تعالیٰ ابراہیم نال کیتے سن۔ ایک دن حضرت عیسیٰ اپنے چیلیاں نوں چھڈ کے تے اَسمان اُتے ٹرُ گے۔ تے اوناں دی پیروی کرن والے پورے جگ وچ کھلرِ گے۔ حضرت عیسیٰ دے بارے وچ ایہہ دسدے ہوئے پئی تسیُ ایس جگ وچ کیویں اﷲ تعالیٰ دی محبت نوں اپنے لئی پاسکدے او۔

 

اوہ اُڈیکدا اے

حضرت عیسیٰ المسیح ہن تیکر حیات نہیں ، تے لوک اوناں دے وسیلے نال اﷲ تعالیٰ دا جلال ویکھ سکدے نہیں۔ حضرت آدم تے

بی بی حوا دے وانگر، حضرت قائن تے حضرت ہابل، اسی سارے گناہگار اَں جیویں اَسی حضرت نوح دی کہانی وچ ویکھیا تے سدوم تے عمورہ وچ کی ہویا ۔ اَسی ویکھ سکنیں اں پئی اﷲ تعالیٰ گناہ تھوں نفرت کردے نیں تے گناہگار نوں سزا دیندے نیں۔ جیویں اَسی حضرت آدم تے بی بی حوا ، حضرت قائن، حضرت نوح، حضرت موسیٰ تے حضرت عیسیٰ المسیح دی کہانی وچ ویکھیا اے۔ اﷲ تعالیٰ اوناں اُتے اپنی مہر کر دیندے نیں، جہڑے اوناں نال محبت رکھدے نیں۔ اِک زمانہ گذر گیا اے اﷲ تعالیٰ حضرت ابراہیم نال اِک وعدہ کیتا سی پئی تیری نسل دے وسیلے نال پورا جگ میرا جلال ویکھے گا۔ حضرت ابراہیم دی نسل اﷲ تعالیٰ دے لوک بن گے۔ اﷲ تعالیٰ جاندے سن پئی ساریاں لوکاں گناہ کیتا اے تے اُہدہ جلال نہیں پاسکدے۔ اﷲ تعالیٰ اِک نجات دین والے نوں ایس جہاں وچ کھِلیا تانجو اوہ اوناں نوں اوناں دے گناواں تھوں رہائی بخش دین۔

 

اے نجات دین والے، حضرت عیسیٰ المسیح نیں

بہت چیر پہلاں حضرت عیسیٰ المسیح پیدا ہوئے۔ نبیاں نیں اوناں دے بارے وچ دسیا پئی اوہ اَن والے نیں۔ تے اوہ بہتریاں لئی اپنی جان دی قربانی دین گے۔ حضرت عیسیٰ المسیح آئے اوہ قدرت تے اختیار رکھدے نیں۔ اوہ برُیائی تے اختیار رکھدے نیں۔ اوہ موت تے اختیار رکھدے نیں۔ اوناں لوکاں نال محبت رکھی۔ اوناں بماریاں تے اختیار رکھیا۔ اوہ محبت تے قدرت نال بھرے ہوئے سن۔ کئی لوک حضرت عیسیٰ المسیح تھوں ڈر دے سن، اوہ اپنے دین تے اپنیاں رسماں نال خوش سن۔ اوہ لوکاں اُتے حکم تے حکمرانی چاہندے سن جہڑیاں اوناں نوں اوناں دے دین ولوں ملیا ں سن اوناں نوں نویاں گلاں دا ڈر سی اوناں حضرت عیسیٰ نوں نقصان دین دی کوشِت کیتی۔ اوناں نوں پھڑیا تے اوناں نوں موت دے حوالے کر دِتا۔ حضرت عیسیٰ ایہہ سب کجھ جاندے سن پئی ایہہ اوناں نال ہو وئے گا۔ اوناں ایناں گلاں دی پیشنگوئی وی کیتی سی۔ اوناں اپنے چیلیاں نوں دسیا سی پئی اوہ موت تے اختیار رکھدے نیں۔ ایہہ ثابت کرن لئی اوہ تیجے دن مردیاں وچوں جی اُٹھ کھلوتے۔ حضرت عیسیٰ حیات نہیں اوی پہلاں سن تے اوی اَخر نیں۔ اوناں اَکھیا میں ای۔ راہ، حق، تے جندگی اں۔ کوئی میرے وسیلے دے باہجوں باپ کول نہیں آسکدا۔ کلام کہندا اے ایمان دے باہجوں اﷲ تعالیٰ دی محبت تے پیار پاوناں امکن نہیں۔ حضرت عیسیٰ دا قول اے جہڑا کوی میرے اُتے ایمان رکھدا اے، اﷲ تعالیٰ اوناں نوں اپنے پترُ دھیاں بنن دا حق دیندے نیں۔ کیہ ہن تیکر تہاڈا حضرت عیسیٰ المسیح اُتے ایمان نہیں؟ اوہ تہانوں اُڈیکدے پئے نیں پئی تسیُ اپنی جندگی اوناں نوں دیؤ۔ اوہ اُڈیکدے پئے نہیں پئی تسیُ اپنے گناواں تھوں توبہ کرو۔ ایہہ تسیُ اپنے اختیار نال نہیں کرسکدے اوہ تہانوں اِک نواں انسان بنا دین گے۔ فیر تسیُ اﷲ تعالیٰ دا جلال وکھا سکو گے۔ اوہ ہر اِک انسان دے لئی اُڈیکدے پئے نیں پئی ہر بندہ اﷲ تعالیٰ دی راہ اُتے چلے۔

پیارےدوستو!

حضرت عیسیٰ دی کہانی پڑھن دے مگروں امکن اے پی تساں اپنے اپ کولوں بہت سارے سوال پچھے ہون گے جیویں پی مسیحت کیہ اےْ؟ میں کیویں جان سکناں واں پی مینوں نجات مل گی اے ؟ کیہ ہونداجے میں حضرت عیسیٰ نوں نا پا سکدا ؟ کیہ اے سچ پی مینوں نرا ایمان رکھناں اے ؟

یاد رکھو پئی اللہ تعالیٰ تہانوں پیدا کیتا۔ تےاو تہاڈی حفاظت کردے نیں۔ اہدے بغیر تسی کجھ وی نہیں کر سکدے۔ اپنے نال تے اللہ تعالیٰ دے نال ایس گل دا اقرار کرو پئی اسی پاپی آں تے ساڈے پاپ دا نتیجہ جسمانی تے روحانی موت اے کیونجو اللہ تعالیٰ دا قہر ساڈے اتے اے ۔ ایس لیۓ اللہ تعالیٰ کولوں اپنے پاپاں دا اقرارکریۓ۔ ایس گل تے یقین رکھو پئی حضرت عیسیٰ ساڈے لۓ سولی اتے چڑھے،تے ساڈے پاپاں دا کفارہ ادا کیتا۔ تے ساڈی جگہ اللہ تعالیٰ دا فیصلہ برداشت کیتا اہدہ مطلب اے وے پئی اللہ تعالیٰ ساڈے پاپ معاف کر دتےنیں۔

اللہ تعالیٰ دی نظر وچ ساڈا حساب ہو چکیا اے ۔ایس گل تے یقین رکھیۓ پئی حضرت عیسیٰ تیجے دن مردیاں وچوں جی اٹھے ۔گناہ تے موت اتے فتع پائی۔

اہدے مگروں حضرت عیسیٰ المسیح آسمان اتے چکے گے تے اللہ تعالیٰ کول جنت وچ نیں ۔اہدہ مطلب اے پئی حضرت عیسیٰ اج وی زندہ نیں جے کوئی اﷲتعالیٰ دی خوشنودی چاہندا اے تے اوہ نوی جندگی گزارن لی اہدی مدت کردے نیں۔ کیہ تسی حضرت عیسیٰ نوں اپنے پاپاں دا نجات دہندہ تے اپنی جندگی دا مالک بنن لی قبول کردے اوہ ۔جے ایہ سچ اے تے تہانوں اے دعا کرنی چاہیدی اے ۔

آے اللہ تعالیٰ میں اقرار کرناں آں میں پاپ کیتے نیں ،میں تیرا شکر کرناں آں پی تساں حضرت عیسیٰ نوں دنیا وچ گھلیا جناں میرے پاپاں تے قصوراں دا کفارہ دتا میں شکر کرنا ں آں پی تساں حضرت عیسیٰ نون موت تھوں زندہ کیتا ،تے اونوں میری جندگی دا اختیار دتا میں اونوں اپنا نجات دہندہ تے خداوند قبول کیتا اے۔ پیارے حضرت عیسیٰ المسیح میں ہمیشہ دی جندگی دے تحفے نوں قبؤل کرناں واں ،میرے خالق تے مالک میں اپنی پاپاں بھری جندگی نوں چھڈ کے تیرے حکماں نوں مناں گا ۔

ایس گل تے یقین رکھو اللہ تعالیٰ نوں پان دے مگروں تسی اہدی پاک روح دے نال جڑ گۓ اوہ تے تہاڈی جندگی اتے اہدی مہر لگ گی اے ۔

اگے نوں ٹر دے ہوے قدم تہاڈی مدت کرن گے پی تسی اللہ تعالیٰ نوں جان سکو ،تے اپنی پوری جندگی اہدے تے ایمان رکھو۔ پہلاں حضرت عیسیٰ دا ساریاں اگے اقرار کرو۔ دُوجا اپنی جندگی دی خوشگوار تبدیلیاں دے بارے وچ گواہی دیؤ۔ تیجا اپنی جندگی نوں اللہ تعالیٰ دے حکماں دے لی وقف کرو تے اہدے اتے بھروسہ رکھو۔

جے تساں ایس گل دا فیصلہ کر لیا اے پی تسی حضرت عیسیٰ دی پیروی کرو گے تے تھلے دتے ہوۓBox تے مہربانی نال Click کرو۔ تانجو اسی اے جان سکیۓ پئی تساں اک بہت ای خاص فیصلہ کر لیا اے۔ تانجو اسی تہاڈے نال خوشی منایۓ تے اپنے باپ اللہ تعالیٰ دا شکر ادا کریۓ ۔